Princi i Kurorës Saudite Mohammed bin Salman i tha SHBA-së se ai mendon se gazetari i vrarë Jamal Khashoggi është një islamik i rrezikshëm, thonë mediat.
BBC ka si lajm kryesor faktin se Princi i Kurorës saudite Mohammet Bin Salman, i dyshuari kryesor si urdhërues i vrasjes së gazetarit Jamal Khashoggi, e ka përshkruar atë si një “islamist të rrezikshëm”. Thuhet se kjo ka ndodhur kjo gjatë një bisede telefonike që ai ka patur me Shtëpinë e Bardhë pas ditë pas lajmit të zhdukjes. Bëhet fjalë për datën 9 tetor, pra një javë pas hyrjes së të ndjerit në konsullatë, prej së cilës nuk doli më.
Princi thuhet se ka biseduar me dhëndrin e presidentit Trump, Jared Kushner, Këshilltar për Lindjen e Mesme, si dhe me Këshilltarin e Sigurisë Kombëtare John Bolton. Atyre, Princi Mohammed u ka thënë se Khashoggi ishte anëtar i Vëllazërisë Mulimane, një organizatë transnacionale islame me zemër në Egjipt. Për regjimin saudit, kjo organizatë është terroriste.
Në këtë bisedë, Princi Mohammed thuhet se i kërkoi Shtëpisë e Bardhë për të ruajtur aleancën SHBA – Arabi Saudite, duke e parandjerë atë që mund të vinte më pas.
Nga ana tjetër, familja e Khashoggi mohoi se Jamal ishte anëtar i Vëllazërisë Muslimane dhe tha se dhe ai vetë e kishte mohuar këtë vazhdimisht në vitet e fundit.
“Jamal Khashoggi nuk ishte një person i rrezikshëm në asnjë mënyrë. Të thuash ndryshe do të ishte qesharake”, u tha në deklaratë.
Arabia Saudite mohon që familja mbretërore të jetë përfshirë në vrasje dhe thotë se është “e vendosur të gjejë të gjitha faktet”.
Në fund të muajit të kaluar, Princi Mohammed tha se “krimi ishte i dhimbshëm për të gjithë sauditët”.
Ndërkohë, disa media botërore që raportojnë rastin, rendisin qëndrimet kunndërthënëse të regjimit saudit lidhur me vrasjen.
Turqia që udhëheq procesin e hetimeve për të mbërritur të e vërteta, doli me një qëndrim zyrtar dy ditë më parë ku tha se Khashoggi ishte torturuar, vrarë e copëtuar për t’u zhdukur. Mbetje të trupit të tij ende nuk janë gjetur.
Ankaraja kërkon që të 18 të arrestuarit në Saudi si të akuzuar për vrasjen, të ekstradohen për t’u gjykuar në Turqi. Por Riadi nuk i është përgjigjur kësaj thirrjeje. /tesheshi.com/
