Rreth transformimit të shpallur të Forcës së Sigurisë (FSK) në ushtri të Kosovës, ka folur edhe komandanti i KFOR-it Giovanni Fungo për “News Evening” me ç’rast ka deklaruar se kjo është një çështje politike dhe se KFOR-i nuk është i përfshirë.
Sipas tij situata në Kosovë është e qëndrueshme, edhe pse kohët e fundit ka pasur disa tensione, dhe misioni i KFOR-it mbetet plotësisht e angazhuar për të mbështetur një Kosovë të qetë, stabile dhe multietnike, siç kërkohet me Rezolutën 1244.
Kujtojmë se presidenti Thaçi është tërhequr nga iniciativa për ta bërë ushtrinë përmes ligjit pas kundërshtimeve të ndërkombëtarëve, derisa tashmë ka pohuar se do mundohet të bind deputetët serb të votojnë ushtrinë. Por deputetët e Listës Serbe kanë bërë me dije se nuk e votojnë ushtrinë ndonëse kanë lënë të hapur takimet me Thaçin për të biseduar për çështje tjera. /tesheshi.com/
