Zëdhënësi i KFOR-it, Vincenzo Grasso tha se njësitë speciale të Kosovës ROSU mund të hyjnë pa leje me mision paqeruajtës në veri të Kosovës, por jo edhe ushtria e Kosovës.
Sipas tij, “njësitë për operacione speciale të armatosura, të cilat i përkasin Policisë së Kosovës, si të tilla kanë mandatin për të zbatuar ligjin në tërë Kosovën, pa pasur nevojë për të kërkuar miratimin.”
“Forca e Sigurisë së Kosovës (tani ushtri) në bazë të marrëveshjes së mëhershme, duhet të marrin leje nga komandanti i KFOR-it para se të angazhohen në veri të Kosovës. NATO-s pritet që të vazhdojë t’i përmbahet kësaj marrëveshjeje”, tha Grasso.
Ai gjithashtu konfirmoi se situata në Kosovë është “nën kontroll, pavarësisht nga tensionet politike dhe deklaratat publike” dhe se “njësitë e KFOR-it janë gjithmonë të pranishëm edhe kur ato janë më pak të dukshme”.
“Ne kemi ndërmarrë ushtrime në vende të ndryshme në mbarë Kosovën. Jo vetëm në veri. Ata nuk ishin të lidhura me zhvillimet politike në Prishtinë dhe nuk kishte asnjë rrezik apo kërcënimi i një pushtimi të mundshëm të veriut”, tha Grasso. /tesheshi.com/
