Gjatë 100 viteve të fundit, njerëzimi ka përparuar teknologjikisht në mënyrë marramendëse si asnjëherë më parë. Këto përparime në shkencë dhe teknologji na e kanë bërë jetën më të lehtë, por gjurmët e shkatërrimit dhe dëmi i shkaktuar ndaj ambjentit është i jashtëzakonshëm.
Disa vende janë ndikuar aq shumë saqë jeta në to është e pamundur ose pothuajse e pamundur.
Çernobili në Ukrainë është rasti tipik. Qyteti përjetoi katastrofën bërthamore më të tmerrshme në historinë e njerëzimit. E që atëherë është shndërruar në një qytet fantazmë.
Gjithashtu, aktivitetet industruale të njeriut kanë krijuar ndotje të jashtëzakonshme në shumë qytete. Këto janë disa nga vendet më toksike në planet:
Linfen, Kinë: Ndotja e ajrit në këtë qytet konsierohet më e madhja në botë. Arsyeja është për shkak të prodhimeve industriale dhe ndotjes nga makinat. Ajri është aq i keq saqë po të nxjerrësh jashtë rrobat për t’i tharë, do të bëhen të zeza.
Rondonia, Brazil: Kjo është zona më e shpyllëzuar e të gjithë rajonit të Pyllit të Amazonës. Me mijëra pemë në mijëra hektarë tokë janë prerë dhe vendi është kthyer në një vendgrumbullimi gjedhësh.
La Oroya, Peru: Fabrika e shkrirjes së metalit në këtë qytet, e drejtuar nga një kompani amerikane, është përgjegjëse për sasinë e madhe të metalit që ka ndotur qytetin. Pothuajse të gjithë fëmijët që jetojnë në zonë kanë rezultuar me plumb në gjak në nivele të larta.
Lake Karachay, Rusi: Sasia e rrezatimit është aq e lartë nga rrjedhjet bërthamore saqë një njeriu do t’i mjaftonte të ekspozohej vetëm një orë në këtë zonë për të gjetur vdekjen e sigurtë. Kanceri është një problem i madh në mesin e punëtorëve në objektin bërthamor. Gjithashtu, ka shumë raste fëmijësh të lindur me defekte dhe me leuçemi në zonat përreth. Ekziston edhe shqetësimi për përhapjen e rrezatimeve dhe radioaktivitetit në zonat e largëta në ajër dhe lumenj.
Hapësira: Njeriu ka lënë gjurmët e tij edhe në hapësirë. Mbi katër milion paund mbetje dhe pjesë anijesh kozmike lundrojnë rreth orbitës së tokës. Kjo ka krijuar shqetësim të madh për ndonjë aksident të mundshëm të satelitëve, çka do të çonte në dështimin e komunikimit. /tesheshi.com/
