Zyra Amerikane për Kontroll të Aseteve të Huaja, zyrë kjo që funksionon në kuadër të Thesarit Amerikan, ka përditësuar listën e personave të cilëve u ndalohet hyrja në SHBA.
Në këtë listë vazhdon të mbetet emri i zv.kryeministrit, Fatmir Limaj, si person i padëshirueshëm në këtë shtet.
Veç tij, pjesë e kësaj liste janë edhe dy deputetë të kësaj legjislature, vëllai i kryeministrit, Daut Haradinaj nga AAK si dhe Rexhep Selimi nga Vetëvendosje.
Ndërkaq, nuk mungojnë as emra kryetarësh të komunave, ku ndër ta është Ramiz Lladrovci, kryetar i Komunës së Drenasit; ish-kryetari i Komunës së Skënderajt, Sami Lushtaku; si dhe ish-deputetët e PDK-së, Azem Syla e Rustem Mustafa.
Në këtë listë janë të përfshirë edhe emra të tjerë shqiptarësh të Maqedonisë. /tesheshi.com/
