LDK-ja e Isa Mustafës më në fund ka publikuar listat e kandidatëve për deputetë, gjegjësisht nga koalicioni parazgjedhor LDK-AKR-Alternativa, për zgjedhjet e 11 qershorit.
Listës i prinë kandidati për kryeministër, Avdullah Hoti, i dyti renditet Behgjet Pacolli nga AKR, në vend të tretë Mimoza Kusari-Lila e Alternativës, kurse pesëshen e përmbyllin Ismet Beqiri e Kujtim Shala të LDK-së.
Vlen të theksohet se deputetët kritikë të Isa Mustafës janë renditur tejet poshtë në listë. Vjosa Osmani është renditur thuajse në fund të listës në numër 81, kurse Arben Gashi në numër 61.
Jashtë liste kanë mbetur ish-deputetët Shpejtim Bulliqi, Adem Salihaj, Fatmir Rexhepi e Hatim Baxhaku, që njihen edhe si kundërshtues të Demarkacionit.
Kujtojmë se sot Mustafa pak orë para publikimit të listës “shenjëteroi” kandidatët për deputet duke thënë se “njerëzit tanë kanë integritet personal e familjar për t’i ofruar zhvillim Kosovës, ç’kapje përfundimtare të shtetit dhe qeverisje evropiane”.
Më poshtë mund të shikoni listën me emrat e 110 kandidatëve të koalicionit LDK, AKR, Alternativa për deputet:
