Qysh nga viti 2007 Global Peace Indeks kryen rankimin e popujve dhe regjioneve më paqedashëse në botë. Në kohën kur bota nga dita në ditë po zhytet përherë e më tepër nëpër konflikte, këto dhjetë shtete njihen për shkak të mungesës së konflikteve dhe agresionit…
Danimarka
Danimarka kryeson listën për shkak të faktit se paraqet një prej vendeve më të sigurta për jetesë në botë. Edhe pse Kopenghaga, kryeqyteti i saj, për një kohë të gjatë ka qenë nën okupimin nazist, qysh nga lufta e dytë botërore ajo nuk është përfshirë në asnjë konflikt. Banorët e Danimarkës janë më shumë të fokusuar në zhvillimin ekonomik sesa në përfshirjen në konflikte të armatosura. Përveç kësaj, njihen si popull miqësor, të hapur dhe përherë të gatshëm për të ndihmuar.
Norvegjia
Norvegjia është një prej vendeve më të sigurta në botë, i cili njihet si shteti me nivelin më të lartë të të drejtave të njeriut, ndërsa qeveria e vendit ka vendosur paqen dhe mirëqenien në vendin e parë të prioriteteve.
Singapori
Si anëtar i bashkësisë ndërkombëtare, dhe para se gjithash si popull i vogël, Singapori nuk mund t’ia lejojë vetes që çështjen e sigurisë ta marrë aq lehtësisht. Prej kohës kur është shpallur shtet i pavarur në vitin 1965, Singapori ka punuar shumë në zhvillimin e raporteve të mira ndërfqinjësore, por edhe në rritjen e stabilitetit ekonomik dhe pavarësimit energjetik.
Sllovenia
Sllovenët ndodhen në krye të listës së vendeve më të sigurta në botë. Për nga numri i rasteve të krimit të organizuar, prezencës së dhunës, dhe konflikteve të jashtme, Sllovenia është prej anëtareve lartë të pozicionuara në OKB në kuptim të sigurisë të cilën ia ofron qytetarëve të saj.
Suedia
Njëra prej shteteve më të bukura skandinave, Suedia ndodhet larg në veri të Evropës. Edhe pse numërohet prej importueseve më të mëdha të armatimit në Evropë, ka shkallë të ulët të thyerjeve dhe plaçkitjeve. Suedia nuk është përfshirë në ndonjë luftë për dy dhjetëvjeçare të plota.
Islanda
Islanda gjithmonë ka mbajtur anë në kohë luftërash. Edhe pse bankat e Islandës kanë përjetuar kolaps para disa viteve, gjendja në atë vend ka ngelur plotësisht e qetë.
Belgjika
E vendosur në vetë zemrën e Evropës, ky shtet i vogël është shtëpia e Unionit Evropian dhe NATO-s. Ndoshta për këtë shkak Belgjika shumë rrallë është përfshirë në ndonjë konflikt. Përplot qytete, tregje, kala mesjetare dhe natyrës së mrekullueshme – Belgjika është parajsë për turistët.
Çekia
Mund të thuhet se Çekia është shtet relativisht i ri. Prej momentit kur është shkëputur nga blloku sovjetik dhe ka shkëputur marrëdhëniet me Sllovakinë, Çekia punon shumë zellshëm për t’u bërë një treg i fuqishëm ekonomik, dhe vend i duhur për investitorë. Human Development Indeks në vitin 2009 ka shpallur Çekinë shtetin me zhvillim të lartë të të drejtave të njeriut.
Zvicra
Zvicra është e njohur për djathin, orët, bankat dhe briskun zviceran. Por veç kësaj, është vend jashtëzakonisht stabil, me shkallë të ulët të konflikteve. Njëherësh, jo moti është shpallur si vendi me qeverinë më stabile dhe si dëshmi për këtë ka shkallën më të ulët të kriminalitetit në Evropë.
Japonia
Është një prej shteteve më tërheqëse në Azi, nëse gjykojmë nga aspekti i kulturës. Japonia zë vendin e tretë në botë për nga zhvillimi ekonomik. Nga lufta e dytë botërore, Japonia nuk është përfshirë në ndonjë konflikt, ndërsa shkalla e kriminalitetit është zvogëluar në minimum. Përpos që është jashtëzakonisht vend i bukur, Japonia është vend paqedashës. Kinezët dhe Koreanët ndoshta nuk pajtohen me këtë, por statistikat janë statistika. /tesheshi.com/
