Qindra njerëz dolën në rrugë në Napoli mbrëmë, duke hedhur mjete piroteknike gjatë një proteste anti-izolim, ndërsa policia u përgjigj me gaz lotsjellës.
Deri në orët e para të mëngjesit të së shtunës, ata protestuan kundër ndalim-qarkullit pandeik, i cili filloi natën e kaluar në orën 11, dhe karantinës së planifikuar rajonale për shkak të rritjes së numrit të njerëzve të infektuar me koronavirus.
Autoritetet njoftuan të premten se rajoni do të mbyllet për shkak të një rritje të madhe të numrit të të infektuarve.
“Ne do të vazhdojmë me mbylljen e plotë,” tha Vincenzo De Luca, duke propozuar karantinë “për 30, 40 ditë”.
Një rregullore rajonale mbi zbatimin e masave do të miratohet të shtunën ose të dielën, raporton ANSA, duke cituar burime nga qeveria rajonale.
Administrata e kryeministrit Giuseppe Conte i ka rezistuar deri më tani thirrjeve për karantinë në vend, duke argumentuar se kostoja ekonomike dhe sociale do të ishte shumë e lartë. /tesheshi.com/
