Në një brifing për media, Ben Rouds, zëvendëskëshilltar i sigurisë kombëtare të presidentit amerikan, Barak Obama, paralajmëroi se në samitin e NATO-s në Poloni në vitin 2016 do të diskutohet edhe për aplikacionin e Maqedonisë për anëtarësim.
Rouds paralajmëroi se koha deri në samitin e korrikut është e shkurtër për Maqedoninë që të mund të presë pranim, porse politika e dyerve të hapura për zgjerimin e NATO-s mbetet në fuqi.
“Ne i mbështesim aspiratat për anëtarësim dhe kemi politikë të dyerve të hapura. Ka seri të hapave konkretë, dialog me NATO-n, të cilat zhvillohen para se të kompletohet anëtarësimi. Mendoj se ky është procesi për të cilin do të diskutohet në korrik. Aspirantët për anëtarësim në NATO shpesh janë pjesë e dialogut të samitit, me qëllim që të shqyrtohet progresi i arritur dhe të bëhet vlerësimi i cili është arritur dhe të bëhet vlerësimi se deri ku është progresi i vendeve, si për shembull i Maqedonisë”, deklaroi Rouds në pyetjen e RTVM-së për atë nëse Maqedonia mund të shpresojë për ftesë për pranim në samitin në Poloni. Për shkak të kundërshtimit nga Greqia, ministrat e Punëve të Jashtme të NATO-s në kuadër të përgatitjeve të tyre për samitin, vendosën të dërgojnë ftesë deri te Mali i Zi, derisa ftesa për Maqedoninë mbetet e lidhur me sigurimin e pëlqimit nga Greqia.
Lidhur me pranimin e Maqedonisë në NATO, Rouds shtoi se “për Maqedoninë, afati kohor deri në korrik është shumë e shkurtër dhe procesi me siguri do të zhvillohet përmes një periudhe më të gjatë kohore”. /tesheshi.com/
