Mihailo Podoljak, këshilltar i presidentit ukrainas Volodymyr Zelensky, komentoi deklaratën Angela Merkelit mbi mospranimin e anëtarësisë së Ukrainës në NATO në Samitin e 2008-ës, bërë jo nga ajo por nga një zyrtar pranë ish-Kancelares.
“Reagimi i Angela Merkelit ndaj ofertës për të ardhur dhe për të parë mizoritë e rusëve në Bucha tregon se elitat perëndimore mbeten ende në iluzione të rrezikshme.
Një zgjidhje e mundshme është dërgimi i fotodokumentacionit të ‘masakrës së Buchanit; dhe konkluzioneve përkatëse mjeko-ligjore në adresat e politikanëve europianë”, ka shkruar ai, kjo pasi Zelensky tha në mënyrë sfiduese se Merkel e Sarkozy, dyshja që kish kundërshtuar anëtarësimin e Ukrainës në NATO, duhej të vinin të shihinin masakrën e rusëve në Bucha.
Zyra e saj i tha Bild se ajo vazhdon të mbështesë vendimet e miratuara në Samitin e Udhëheqësve të NATO-s në Bukuresht të vitit 2008.
Në deklaratë thuhet se Merkel mbështet të gjitha përpjekjet që po bëhen për të ndalur sa më shpejt luftën që Rusia ka nisur në Ukrainë.
“Në kundërshtim me mizoritë që janë bërë të dukshme në Bucha dhe gjetkë në Ukrainë, ish-kancelarja mbështet plotësisht të gjitha përpjekjet e qeverisë gjermane dhe komunitetit ndërkombëtar për t’i dhënë fund Ukrainës dhe për t’i dhënë fund barbarizmit dhe luftës së Rusisë kundër Ukrainës,” tha zyra e saj.
Zelenski deklaroi se Ukrainës iu premtua anëtarësimi në Samitin e NATO-s të vitit 2008, por se u bë një hap prapa për të shmangur problemet me Rusinë dhe se Merkel dhe Sarkozy penguan kërkesat nga partnerët e tjerë të NATO-s për një proces më të shpejtë të zgjerimit. /tesheshi.com/
