Disa deklarime nga ana e këshilltarit të Albin Kurtit, Shkëlzen Gashi, kanë provokuar një ortek reagimesh në mjedisin e tejnxehur politik të Kosovës. Ai, një debat televiziv tha se individë të caktuar nga UÇK, por jo vetë UÇK-ja, ishin përfshirë në krime kundër civilëve, përfshirë dhe ata serbë.
Ai e mbrojti sërish këtë qëndrim në një status në, duke tentuar të sqarojë publikun.
“Unë nuk kam thënë që UÇK-ja ka kryer krime, por INDIVIDË të UÇK-së (keqpërdorues të uniformës së UÇK-së), qofshin edhe të lartë në hierarkinë e saj (ky nuk është mendim imi, por këto janë vendime të gjykatave të ICTY-së, UNMIK-ut, EULEX-it, si dhe mendime të raporteve të organizatave ndërkombëtare për të drejtat e njeriut, si Human Rights Watch e Amnesty International)”, ka shkruar Gashi.
Sipas tij, me Kosovën duhet të ndodhë si me Kroacinë.
“UÇK-në dhe luftën e popullit tonë për liri e pavarësi e mbrojmë kur pastrohet nga krimet e individëve që i kanë kryer ato në emrin tonë.
Kosovën e mbrojmë nga Gjykata Speciale dhe sulmet tjera që thonë se Kosova është krijesë e një ndërmarrjeje kriminale, vetëm kur ne vetë i dënojmë ata që në emrin tonë kanë kryer krime kundër civilëve të pafajshëm.
Kështu e kanë mbrojtur kroatët Kroacinë, kështu duhet ta mbrojmë edhe ne Kosovën”, thekson Gashi.
Por ai është kundërshtuar ashpër dhe nga njerëz të VV-së.
Ministri i Jshtëm Glauk Konjufca e kundërshtoi rreptë këshlltarin e Kurtit.
“Nuk pajtohem me Gashin. Ai është plotësisht gabim. Bile ka gabuar rëndë. UÇK-ja nuk ka bërë krime…Për UÇK-në askush nuk ka mundur të argumentojë se struktura komanduese e saj ka bërë krime”, tha Konjufca.
Nga ana tjetër, ashpër reagoi dhe deputeti vetëvendosës Enver Haliti.
“Si ish ushtar i UÇK-së, Deputet i Kuvendit të Kosovës dhe si aktivist i Lëvizjes Vetëvendosje, kërkoj nga Shkëlzen Gashi që të kërkoj falje publike për deklaratat skandaloze dhe të dëmshme, duke ofruar dorëheqje morale të mënjëhershme nga posti i tij, në të kundërtën kërkoj publikisht nga Kryeministri Kurti që ta liroj nga detyra menjëherë”, shkroi Haliti në FB. /tesheshi.com/
