Shtetet e Bashkimit Europian duhet të lëshojnë viza për njerëzit që rrezikohen nga torturat apo trajtimi çnjerëzor. Deklarata vjen nga këshilltari kryesor në Gjykatën Europiane të Drejtësisë.
Këshilla vjen pas shqetësimit në rastin e një familjeje siriane së cilës i është mohuar viza nga Belgjika, e cila argumenton se nuk është e detyruar të pranojë gjithë të larguarit nga zonat e luftës.
Nëse Gjykata pranon gjetjet e këshilltarit, thonë kritikët, do të hapet një rrugë e re për hyrjen e refugjatëve drejt Europës. Por, ministri belg i Emigracionit ka vënë në dukje se këshilla në fjalë nuk ka forcë detyruese.
Këshilltari Theo Francken, gjithsesi, në opinonin e tij thotë se shtetet anëtare dhe Komisioni Europian ishin “të dijeni të vlerës së madhe si precedent” që do të përcaktonte një vendim i tillë.
Në një rast të ngjashëm kohët e fundit, ai u zotua të mos hapë derën për një “kaos të ri me azilin”. /tesheshi.com/
