Situata në Halep ka marrë vëmendjen e OKB-së, në Këshillin e Sigurimit të të cilit do të votohet këtë të hënë për një rezolutë e cila kërkon një armëpushim të përkohshëm në qytetin sirian. Rezoluta bën fjalë dhe për mundësinë që duhet krijuar për dërgimin e ndihmave humanitare te banorët e Halepit.
Teksti që bën thirrje për një armëpushim së paku shtatëditor është hartuar nga Egjipti, Zelanda e Re dhe Spanja pas negociatave të gjata me Rusinë, një mbështetëse në terren e regjimit të Beshar Esadit.
Siç bëjnë të ditur mjetet e huaja të informimit, edhe pse hartuesit e rezolutës kanë bërë lëshime, ende nuk është e qartë se çfarë do të ngjasë me votën e Rusisë, në ajo do të përdorë veton.
Në rezolutën që pret të miratohet thuhet se, “të gjitha palët në konfliktin sirian duhet t’i ndërpresin menjëherë sulmet në qytetin e Halepit…”.
Ndërkaq, mësohet se vetëm dje janë vrarë në Halep dhe Idlib më së paku 68 civilë, e 78 të tjerë janë plagosur. /tesheshi.com/
