Këshilli i Sigurimit ka votuar një ditë më parë për dërgimin e vëzhguesve të OKB-së në Halep për të mbikëqyrur evakuimet.
Rezoluta e miratuar u kërkon zyrtarëve të Kombeve të Bashkuara të mbikëqyrin evakuimet në pjesën lindore të Halepit, si dhe sigurinë e civilëve që mbeten në qytet.
Këshilli i Sigurimit e miratoi njëzëri rezolutën.
Ambasadori francez në OKB, Francois Delattre, deklaroi se prania ndërkombëtare do ta pengonte kthimin e Halepit në një tjetër Srebrenicë.
Përndryshe, ambasadori sirian në OKB, Bashar Jaafari, e cilësoi rezolutën “vetëm një pjesë tjetër të propagandës së vazhdueshme kundër Sirisë dhe të luftës së saj kundër terroristëve”.
Mbetet ende e paqartë nëse qeveria siriane do t’i lejojë vëzhguesit e OKB-së të hyjnë në Halep, e në do t’i lejojë operacionet e evakuimit të mbikëqyren ndërkombëtarisht. /tesheshi.com/
