Shqiptarët e Malit të Zi bëhen bashkë më në fund. Komuna e Ulqinit, me kërkesën e Këshillit Komunal ka thirrur mbajtjen e një konference ndërkombëtare për të shpëtuar kriporen e njohur të këtij qyteti, e cila rrezikohet nga kthimi i saj në hotel nën kontrollin dhe administrimin e vëllait të kryeministrit malazez, Aco Gjukanoviç.
Kjo konferencë ëshët planifikuar të organizohet në fillim të muajit të ardhshëm, në Podgoricë, nën organizimin e Qendrës për Mbrojtjen dhe Studimin e Zogjve, EuroNatur –it dhe Komunës së Ulqinit.
Në një raport të EuroNatur, thuhet se “edhe pse progresi në drejtim të mbrojtjes së përgjithshme të këtij ekosistemi është arritur duke krijuar një kontroll të përkohshëm nga Parqet Kombëtare të Malit të Zi dhe riparimin e pompave të cilat janë jetike për regjimin hidrologjik të Kripores, afatet kohore të përcaktuar në konkluzionet e konferencës së fundit nuk janë respektuar”.
Dhe kjo konferencë konsiderohet si një ndër hapat kryesore për të mos cënuar Kriporen e qytetit të dominuar nga shqiptarët, e cila përveçse pasuri e rrallë ekonomike, është dhe një vlerë e rrallë natyrore. /tesheshi.com/
