Një seancë e Këshillit të Sigurimit të Kombeve të Bashkuara për të diskutuar një raport të ri 4-mujor nga Sekretari i Përgjithshëm Antonio Guterres për Kosovën, filloi të enjten në New York.
Në raport, i cili i referohet periudhës nga 16 maji deri më 15 shtator të këtij viti, Guterres tha se “një pauzë e gjatë në dialogun Serbi-Kosovë ndaloi përparimin drejt normalizimit të marrëdhënieve, gjë që hapi rrezikun e stabilitetit në terren”.
Guterres kërkoi formimin e një qeverie të re të Kosovës, në mënyrë që dialogu me Serbinë të rifillojë shpejt dhe të hiqen të gjitha pengesat për vazhdimin e dialogut.
Ai përshëndeti ftesën nga SHBA., Franca, Italia, Gjermania dhe Mbretëria e Bashkuar për palët në dialog, duke deklaruar se këto vende i kishin kërkuar Kosovës që të heqë taksën 100 përqind për importet e produkteve nga Serbia dhe Bosnja, por gjithashtu i kërkuan dhe Serbisë që tw braktisw fushatën për të tërhequr njohjet e pavarësisë së Kosovës.
Këtë vit tre seanca dhe në vitin 2020 dy
“Unë përcjell pikëpamjet e Presidentit Aleksandar Vuccicc se ne duam një kompromis, një vazhdim të dialogut, por padyshim që ata ende dëshirojnë të imponojnë qëndrimin e tyre për njohjen e pavarësisë së Kosovës, e cila është absolutisht e papranueshme për Serbinë. Ne duam një kompromis dhe do të marrim pjesë në vazhdimin e dialogut nëse krijohen kushtet, e kjo vetwm kur tw jetw hequr taksa”, tha Ivica Daçiç, ministri i Jashtëm i Serbisë.
Që nga miratimi i Rezolutës 1244, më 10 qershor 1999, Këshilli i Sigurimit i KB e ka diskutuar Kosovën katër herë në vit.
Sidoqoftë, u ra dakord që në fillim të vitit të zhvillonin tre takime të Këshillit të Sigurimit të KB për këtë vit, dhe në vitin 2020 vetwm dy. /tesheshi.com/
