Këshilli i Bashkimit Evropian ka vendosur të sigurojë 3 miliardë euro ndihmë makro-financiare për dhjetë partnerë të zgjerimit për t’i ndihmuar ata të përballen me pasojat ekonomike të pandemisë COVID-19, tha Delegacioni i BE..
Ndihma financiare do të ofrohet në formën e një kredie me kushte shumë të favorshme, ku Shqipëria merr 180 milion euro, Bosnja 250 milion euro, Gjeorgjia 150 milion euro, Jordania 200 milion euro, Kosova 100 milion euro, Moldavia 100 milion euro, Mali i Zi 60 milion euro, Maqedonia Veriore 160 milion euro, Tunizia 600 milion euro dhe Ukraina 1.2 miliardë euro.
Forcimi i stabilitetit
Ndihma e BE për këto juridiksione do të shërbejë për të mbuluar nevojat e tyre të menjëhershme të kostove që janë rritur për shkak të shpërthimit të COVID-19.
Me mbështetjen e Fondit Monetar Ndërkombëtar (FMN), këto fonde do të kontribuojnë në forcimin e stabilitetit makroekonomik dhe krijimin e hapësirës për drejtimin e burimeve për mbrojtjen e qytetarëve dhe zbutjen e pasojave negative socio-ekonomike të pandemisë së re të koronavirusit. /tesheshi.com/
