Bashkësia e Dijetarëve të Ehli Sunnetit në Turqi (ESAB), ka dënuar ashpër vendimin për dënimin me vdekje të dhënë për Muhammed Mursin, presidentin i cili u zgjodh me votë popullore në Egjipt dhe i cili u rrëzua me grusht shteti dhe dënimin me vdekje të dhënë ndaj 121 personave të tjerë, raporton Anadolu Agency (AA).
Në një deklaratë me shkrim të publikuar nga ESAB theksohet se imperializmi global, lobet sioniste, me operacionet e ndërmarra kundër Islamit dhe ndaj të gjitha strukturave që i shërbejnë atij përballen me reflektimin lokal dhe atë global.
Në deklaratën ku theksohet se muslimanët janë të vetëdijshëm që të gjitha ngjarjet zbatohen në mënyrë të planifikuar dhe të programuar janë vënë në dukje këto shprehje: “Bota Islame për herë të parë po përballet me sulme të mëdha dhe masive. Të gjitha sulmet kundër Islamit në Palestinë, Irak, Siri, Jemen, Mianmar, etj, janë pjesë e të njëjtit projekt”.
– “Ekzekutimet, frikësimi i opozitës në Egjipt”-
Në deklaratë gjithashtu është theksuar se “edhe vendimet me vdekje të marra në Egjipt ndaj 122 muslimanëve është për të shtypur kërkesat e drejtësisë dhe lirisë së popullit egjiptian në mënyrë që të mos kenë kërkesa të tilla dhe gjithashtu është një përpjekje kryesisht për të trembur kryetarin e Këshillit Udhëzues të Organizatës së Vëllazërisë Muslimane (Ihvan) Muhammed Bedii, liderët e tjerë të Ihvan’ëve si Muhammed Mursi dhe të gjithë opozitës”.
“Kardavi ka qëndruar përballë çdo ekstremi”-
Gjithashtu në deklaratë theksohet se kryetari i Bashkësisë së Dijetarëve Muslimanë, Jusuf el-Kardavi dihet shumë mirë se ai të gjithë jetën e tij e ka kaluar në paqe dhe në drejtësi dhe ai ka shkruar libra në lidhje me këto çështje, ku ai e ka theksuar se “qëndron përballë çdo lloj ekstremi”, duke e nxjerrë në kërkim me buletin të kuq një dijetarë të tillë dhe sot duke e vendosur në listën e të dënuarve me vdekje e ul në një situatë qesharake këtë mekanizëm puçist të Egjiptit.
Në deklaratën ku theksohet se: “Një vendim kaq i gabuar, i paligjshëm dhe ku përdhosen të drejtat e njeriut, këto vendime me vdekje brutale politike janë krimi më i madh në emër të fesë duke ia dhënë për miratim myftiut të Egjiptit”, pohohet me tej se skenari në fjalë është vërejtur edhe në vitet 1960, por kjo është një tablo “edhe më e errët se ajo e viteve 1960”.
Në deklaratë përfundimisht ESAB duke dënuar vendimet e regjimit të Juntës në Egjipt, siç e quan i bën thirrje kryesisht Botës Islame, të gjithë personave me ndikim dhe autoritet, liderëve shtetërorë, organizatave civile dhe atyre të dijetarëve që të marrin pjesë në këtë detyrë që të ndërmarrin hapa që regjimi i Egjiptit të ndryshojë vendimin.
Gjykata penale e Kajros, dosjet e 166 personave të cilët u gjykuan në dy çështje të cilat në opinionin publik njihen si “spiunazhi” dhe “bastisja e burgjeve”, ku mes të akuzuarve ndodhen Muhammed Mursi që është presidenti i parë që është zgjedhur në rrugë demokratike në Egjipt dhe i cili u largua nga detyra me grusht shteti, kryetari i Këshillit Udhëzues, Muhammed Bedii, kryetari i Shoqatës Botërore të dijetarëve myslimanë, Jusuf el-Kardavi, i dërgoi për të marrë mendimin e myftinisë, për 122 prej tyre u dha vendimi për dënim me vdekje.
