Për 4 persona:
500g kërpudha
2 kungulleshka mesatare
100g pancetë të ëmbël
1 qepë
1 thelb hudhër
1 tufë majdanoz
2-3 domate të thata
50g gjalpë
kripë, piper sipas dëshirës.
Përgatitja:
Alma Verushi tregon se kërpudhat i pastrojmë me ujë të rrjedhshëm dhe i lëmë të kullohen mbi një pecetë të thatë. I presim bishtat deri në fund dhe i grijmë në copa të vogla. Në një tigan me pak gjalpë vëmë të skuqet qepa e grirë hollë derisa të zbutet.
Shtojmë copat e kërpudhave, pastaj pançetën dhe i skuqim për pak minuta. Shtojmë edhe kungulleshkën e prerë në kubikë dhe i skuqim të gjitha bashkë. I kriposim dhe piperosim.
Kapelat e kërpudhave i skuqim me pak gjalpë nga të dy anët. Me masën e përgatitur mbushim kërpudhat dhe i rreshtojmë në një tavë. I vëmë të piqen në furrë me 180 gradë për 30 minuta. Shoqërohen me krem beshamel, në të cilin kemi miksuar edhe 2–3 domate të thata. /tesheshi.com/
