Një burrë nga Uashingtoni kishte ëndërruar gjithë jetën e tij për të gjetur një diamant që me të të krijonte një unazë unike fejese për gruan e tij të ardhshme, por dhe nuk besonte se kjo mund të bëhej realitet.
Christian Liden i tha CNN se ideja për të mbledhur gurë të çmuar për një unazë fejese u fut në kokën e tij përsëri në shkollën e mesme, porse nuk ia kishte idenë se si mund të ndodhte kjo. Ndërsa vitet ikën, ai tha se zbuloi sa e vështirë ishte të gjeje xhevahire në SHBA.
Por kur një mik i tha tre vjet më parë se ëndrra e tij mund të bëhej realitet në Parkun Shtetëror Crater of Diamonds në Arkansas, ai nisi të besonte në ëndërr.
“Kjo ishte kur fillova me të vërtetë të planifikoja udhëtimin dhe të synoja ëndrrën time,” tha Liden.
Ai shikoi video të atyre që gjetën me sukses diamante në park dhe u përpoq të merrte sa më shumë informacion para se të planifikonte udhëtimin e tij. Miku i tij Josh, i cili dinte për ëndrrën e Liden që nga fillimi, vendosi të bashkohej me të në aventurë.
Siç ishte planifikuar, Liden ndërtoi pajisjet kërkuese ndërsa e dashura e tij ishte në punë, kështu që nuk do të duhej të shpjegonte qëllimin aktual të udhëtimit.
“Ajo e dinte që unë do të shkoja në një udhëtim, por ajo nuk e dinte se çfarë po bënim. Unë i thashë asaj se do të vizitonim disa parqe shtetërore dhe disa parqe kombëtare, por përveç kësaj, ajo nuk e dinte se po shkonim për të gjetur gurët e çmuar”, tha ai.
Liden planifikoi t’i propozojë Desira-s kur të kthehej nga udhëtimi.
Liden dhe Josh filluan aventurën e tyre më 1 maj dhe ndaluan në Montana për të gërmuar safirët. Asgjë.
Më pas, të dy arritën në Arkansas më 7 maj, duke shpresuar të gjenin një gjilpërë në kashtë, shkruan CNN.
Dy ditët e ardhshme ishin gjithashtu të pasuksesshme.
Pastaj ndodhi një përmbysje. Ai pa një diamant të verdhë që peshonte më shumë se dy karat.
“Unë menjëherë fillova të dridhem…”, tha Liden.
Ai ishte në një gjendje të tillë shoku sa Josh e kapi perlën dhe e futi në një qese me zinxhir sepse kishte frikë se mos e hidhte.
“Unë kurrë nuk prisja diçka të tillë. Unë shpresoja ta gjeja por pak diamant, që të mund a vendosja në unazë dhe t’i thoja ‘hej, ka diamant”, tha Liden.
Perla 2.20 karat është më i madhi që u gjend në park që nga tetori i vitit të kaluar, kur një vizitor nga Fayetteville, Arkansas, zbuloi një diamant të verdhë 4.49 karat, sipas një deklarate nga Parku Shtetëror. /tesheshi.com/
