Tre të dyshuar serbë janë arrestuar të premten në fshatin Gushtericë e Ulët, të Graçanicës, pasi të njëjtit janë vërejtur se ishin duke qarkulluar në një arë me automjetin me traga vendore në mes të fshatit Gushtericë dhe Dobratin.
Gjatë kontrollit në automjetin e tyre policia ka gjetur dhe konfiskuar një sprej si dhe detektor për kërkimin e metaleve.
Gjatë intervistimit në polici të dyshuarit kanë deklaruar se në lokacionin e cekur kanë dal për kërkimin e një qypi të arit sipas tyre të fshehur kohë më parë.
“Gjatë verifikimit është konstatuar se njëri nga të dyshuarit kërkohet nga Gjykata në Prishtinë andaj i njëjti dërgohet në vuajtje të dënimit, ndërsa dy të dyshuarit tjerë me urdhër të prokurorit lirohen në procedurë të rregullt”, njofton policia. /tesheshi.com/
