Ajo që Ben John gjeti kur hapi kompjuterin, ishin fjalët që gjyshja e tij May Ashworth kishte shkruar në Google: “Ju lutem mi përktheni këto numra romakë. Faleminderit!”.
Duke qenë se fraza e saj iu duk shumë e ëmbël, ai e shpërndau në Twitter.
Në vetëm disa ditë, postimi i tij mori 11 mijë retweet. Kur Ben e pyeti May pse ishte treguar aq e sjellshme me Google, ajo iu përgjigj se kishte përshtypjen se prapa Google fshihej një person që rrinte gjithmonë i ulur në zyrë e i përgjigjej çdo kërkese të vizitorëve- dhe nëse tregohej e ëmbël ato do t’i përgjigjeshin më shpejt.
Ashtu siç dhe ajo mendonte, postimi në Twitter vodhi vëmendjen e punëtorëve të Google të cilët vendosën t’i përgjigjeshin 86 vjeçares duke u treguar gjithashtu të sjellshëm:
“E dashur gjyshe e Ben.
Shpresoj të jesh mirë.
Në një botë me miliarda kërkime, e jotja më bëri të buzëqesh.
Përgjigjia është 1998.
Faleminderit”. /tesheshi.com/
