Është arrestuar në flagrancë Nikita Belykh, guvernator i rajonit të Kirovit në Rusi, i cili erdhi në pushtet nga radhët e opozitës. Sipas përfaqësuesit zyrtar të komitetit investigativ rus, Vladimir Markin, kundrejt guvernatorit ka nisur procedimi penal, pasi ka marr një ryshfet prej 400 mijë eurosh.
Sipas hetuesve, Nikita Belykh, personalisht dhe nëpërmjet një ndërmjetësi ka kërkuar ryshfet në një shkallë të lartë, e cila në total shkon tek rreth 400 mijë euro, për të favorizuar personin që po korruptonte për kontrollin e kombinatit Novovyatskiy Lizhnij si dhe shoqërinë e drejtimit të pyjeve. /tesheshi.com/
