Ndërsa presidenti Thaçi parlajmëroi padi ndaj Serbisë për gjenocid dhe dëmet material që shkaktoi në luftën e fundit, gjë që kurrë nuk e realizoi, një kërkesë të tillë së fundmi e ka shtruar zv.ministri i Punëve të Brendshme, Izmi Zeka.
“Për të përmbyll sovranitetin dhe për ti dhënë fund proceseve dhe kryerjes së obligimeve shtetërore institucionet e Kosovës duhet të ngrisin padi ndaj shtetit serb për dëmshpërblim Kosovës për gjenocidin e kryer gjatë viteve 98/99 . Ishin mbi 15 mijë të vrarë dhe mbi 20 mijë të dhunuara motra tona. Po ashtu duhet të detyrohet Serbia që të paguaj dëmshpërblimin për shkatërrimin e Kosovës gjatë gjenocidit të kryer në Kosovë”, ka thënë Zeka.
Sipas tij, “ata që kryen këto shkatërrime duhet të bartin edhe pasojat nga bota demokratike dhe gjykatat ndërkombëtare. Kosova duhet të veprojë sa më shpejt në këtë drejtim.”
Kujtojmë se në vitin 2011 u krijua Instituti për Hulumtimin e Krimeve të Luftës, në kuadër të Ministrisë së Drejtësisë, me ç’rast atë kohë ministri i këtij dikasteri qeveritar, Hajredin Kuçi deklaroi se “argumentimi i gjenocidit do të bëhej larg politikës dhe në mënyrën më profesionale”. /tesheshi.com/
