Qeveria britanike është kundër një referendumi të dytë në lidhje me Brexit. Në një tekst të publikuar në faqen zyrtare dedikuar peticioneve, Zyra e Jashtme, duke konfirmuar atë që tashmë dihej, shkruan se “kryeministri dhe qeveria e kanë bërë të qartë se ky do të ishte një votim i vetëm”, ndaj vendimi duhet të respektohet.
“Tashmë duhet të vijojmë me procesin e lënies së Bashkimit Europian dhe qeveria ka marrë masa për t’i garantuar popullit britanik zgjidhjen më të mirë të mundshme nga negociatat”, – thuhet në deklaratën e Zyrës së Jashtme.
Në llogarinë e tij në Twitter, komisioni për peticionet saktëson se ende nuk ka vendosur për një pozicionim në lidhje me këtë çështje. Peticioni për bërjen e një referendumi të dytë në Britaninë e Madhe, deri më tani ka arritur të sigurojë 4.1 milion firma. /tesheshi.com/
