Lulzim Basha kë bërë një thirrje interesante, duke tejkaluar hapjen e dosjeve e shkuar më tej, po me hapje dosjesh, por për ata që kanë punuar për KGB-në sovjetike apo UDB-në jugosllave. Sidomos me këtë të fundit, gjuha e tij ka lënë të nënkuptuar pikërisht Berishën, për të cilin aludohet kjo gjë prej vitesh, pra fakti se në komunizëm ai ka qenë i rekrutuar nga shërbimet sekrete jugosllave.
“Në periudhën që po përjetojmë, të ringjalljes së rivaliteteve të vjetra gjeostrategjike, të rin së aspiratave sunduese të Rusisë dhe aleatëve të vetë të fshehur në Ballkan, tani kanë filluar dalin hapur, siç është Serbia, është jetike që Autoriteti i Dosjeve në bashkëpunim me institucionet ligjzbatuese dhe të zbulimit, të ekspozojnë agjenturën e KGB-së dhe UBD. Ekspozimi i agjenturës jugosllave dhe sovjetike, nuk është një hap që duhet të ndërmerret në funksion të transparencës, por edhe në funksion të sigurisë kombëtare”, tha Basha në një aktivitet në kuadër të përvjetorit të radhës së rrëzimit të bustit të Enver Hoxhës.
Siç tha ai, “PD do hedhë hapin konkret të institucionalizimit të kërkesës që këto dy rrjete të dy shërbimeve ndaj më armiqësore të mos gëzojnë më mbrojtjen e pakuptimtë që jepet duke i mbajtur të fshehta emrat dhe të dhënat e këtyre dy organizatave që s’kanë patur asnjë qëllim tjetër përveç sabotimit dhe eliminimit të interesave kombëtare shqiptare. Thirrja ime në emër të PD, shumë shpejt edhe kërkesa do jetë ekspozimi i plotë i agjenturës jugosllave dhe sovjetike në Shqipëri”.
Gjithsesi, nuk dihet sa mund të jetë e realizueshme diçka e tillë mbi tre dekada nga rënia e komunizmit, gjë e cila lidhet me çështjen delikate të dosjeve. /tesheshi.com/
