Vendosja e pankartave nga Komuna e Prishtinës në sheshet kryesore të kryeqytetit për protestën e 17 shkurtit, dhe nga ana tjetër mosvendosja e flamujve për nder të Pavarësisë, ka nervozuar siç duket tej mase deputetin e PDK-së Bekim Haxhiu – Kamishi.
Ai përmes një postimi bërë në Facebook ka bërë një deklaratë të çuditshme që në cak ka thumbimin e Shpend Ahmetit por edhe të subjektit të tij Lëvizjes ‘Vetëvendosje’.
Kamishi thotë se komunave që mohojnë festën shtetërore të Pavarësisë së Kosovës, t’ju ndalohet shfrytëzimi i buxhetit të Republikës së Kosovës.
Haxhiu më tej ka thënë se moskremtimi i kësaj dite është mohim i identitetit të Kosovës.
“Mosshënimi i ditës së Pavarësisë, është mohim i identitetit të Republikës së Kosovës!
Mohimi i festës së PAVARËSISË është mohim i gjakut të derdhur për LIRI dhe PAVARËSI!”, ka shkruar Kamishi. /tesheshi.com/
