Rusia mund të dërgojë trupa ushtarake në Siri, nëse Damasku e kërkon një gjë të tillë. Pas lajmeve që alarmuan Perëndimin për furnizimin e regjimit sirian me armë e specialist, zëdhënësi I Kremlinit pohoi se mund të merret në konsideratë edhe dërgimi I trupave ushtarake.
Agjencia Reuters citon zëdhënësin Dmitry Peskov të ketë thënë se në kuadër të dialogut dypalësh me Sirinë, nëse një gjë e tillë kërkohet, është e natyrshme që të merret në konsideratë.
Megjithatë, ai tha se për momentin, është e vështirë të flitet mbi bazën e hipotezave.
Ushtria siriane, që ka humbur terren së fundmi ndaj kryengritësve në luftën civile që vijon prej katër vjet e gjysmë, ka nisur të përdorë lloje të reja armësh ajrore dhe tokësore që janë furnizuar nga Rusia. /tesheshi.com/
