Kryeministri Edi Rama i është përgjigjur akuzave të opozitës për lirimin e Lulzim Berishës. Ndonëse PD i kërkoi sot Ramës shkarkimin e Vangjush Dakos nga detyra e Kryetarit të Bashkisë së Durrësit, për faktin se ka mbështetur kërkesën për lirimin e Lul Berishës, kreu i Qeverisë thotë se përgjegjës për këtë është vetë opozita.
Kryeministri u shpreh se PD ka bllokuar ligjin e Vettingut, i cili do të mundësonte pastrimin e sistemit të drejtësisë nga gjykatësit dhe prokurorët e korruptuar.
“Vendet anëtare mbështetin vijimin e negociatave për anëtarësim me vetëdijen se Shqipëria do të zbatojë vettingun. Ju edhe sot nuk keni kurajo të tregoni me gisht se kush e liroi Lulzim Berishën, por vazhdoni të thoni se e liroi bashkia e Durrësit. Imagjino ku jeni ju”, – tha Rama nga foltorja e Kuvendit./tesheshi.com/
