Që gjuha e gjyshërve tanë është tërësisht e ndryshme nga ajo që ne përdorim në përditshmëri, kjo është një gjë që të gjithë e kemi vënë re, por ajo që zbuloi një nip në kompjuterin e gjyshes së tij është me të vërtetë mbresëlënëse. 24-vjeçari Ben Jon fotografoi dhe publikoi në Twitter modalitetin (mënyrën) e kërkimit në Google të gjyshes së tij, May Ashworth.
“Ju lutem, mund të përktheni këto shifra romake MCMXCVIII, faleminderit”. Fakti që e moshuara kishte shkruar “të lutem” dhe “faleminderit”, sikur motori i kërkimit të ishte një njeri, ka shfaqur mjaft habi në rrjet.
“Zbulova se kur gjyshja ime kërkonte diçka në rrjet shkruante gjithmonë “të lutem” dhe “faleminderit””, – ishte komenti i nipit që me postimin e tij bëri xhiron e rrjetit brenda një kohe shumë të shkurtër.
Janë të shumtë personat që kanë përshëndetur gjyshen e Ben dhe që e kanë përgëzuar për mënyrën e saj të të sjellurit. /tesheshi.com/
