Klubi katalunas, Barcelona ka kërkuar nga klubi rumun Otelul Galati ta ndryshojë emblemën e ekipit, për shkak se konsideron si kopje ndaj emblemës origjinale që ka klubi azulgrana. Sipas gazetës së njohur britanike “Daily Mail”, klubi rumun mund të përballet edhe me sistemin e drejtësisë, për shkak se ka kryer plagjiaturë prej dy vjetësh ndaj klubit të Barcelonës.
Drejtori sportiv i skuadrës rumune, Cristian Munteanu e pranon një fakt të tillë.
“Barcelona ka të drejtë. Emblema e skuadrës tonë është identike me atë të blaugranasve. Ishte një gabim i rëndë për të ndryshuar emblemën dhe për të kopjuar atë para dy vitesh. Megjithatë, klubi do rikthejë stemën e dikurshme me të cilën kemi luajtur në Ligën e Kampionëve, kemi fituar Ligën dhe Superkupën e Rumanisë”, theksoi Munteanu.
Ai më tej bëri të ditur që klubi është i detyruar ta bëjë një gjë të tillë pasi në të kundërtën do ballafaqohet me Drejtësinë.
/tesheshi.com/
