Koreja e Veriut konfirmon se ka krijuar në miniaturë bombën nukleare dhe se vendi është gati për një sulm të parashikuar kundër Shteteve të Bashkuara të Amerikës, në çdo moment. Ky është kërcënimi i fundit që vjen nga ana e Koresë së Veriut, drejtuar SHBA-ve.
“Nëse imperilistët amerikanë do të dhunojnë sovranitetin tonë dhe të drejtat për të poseduar armë nukleare, Koreja e Veriut nuk do të ndalet por do të marrë masa parandaluese”, – tha lideri Kim Jong-un.
Në rritje të toneve të nisur javën e shkuar, pas sanksioneve të vendosura nga Këshilli i Sigurisë së OKB-së në përgjigje të një testi nuklear në muajin janar, Kim siguroi për një reagim “të pamëshirshëm ndaj armiqve”. /tesheshi.com/
