Presidenti amerikan Donald Trump ka lëshuar një paralajmërim të fundit për Hamasin, duke kërkuar që ata të lirojnë pengjet izraelitë që i mbajnë robër në Gaza.
Në një postim në rrjetin e tij social Truth Social, Trump kërkoi që militantët e Hamasit të lirojnë menjëherë të gjithë pengjet në Gaza, duke e quajtur atë “paralajmërimin e tij përfundimtar”. Ai i bëri thirrje udhëheqjes së Hamasit që të largohet nga enklava palestineze.
“Ky është paralajmërimi juaj i fundit. Për liderët, tani është koha për t’u larguar nga Gaza, ndërsa keni ende shansin. Gjithashtu, për popullin e Gazës: Ju pret një e ardhme e ndritur, por jo nëse mbani pengje. Nëse e bëni, do të shkatërroheni”, tha presidenti amerikan.
Trump theksoi më tej se vetëm “njerëz të sëmurë dhe të shthurur” po mbajnë pengje.
Ai paralajmëroi gjithashtu se do t’i dërgonte Izraelit “çfarëdo që duhet për të përfunduar punën” dhe kërcënoi: “Unë po i dërgoj Izraelit gjithçka që i nevojitet për të përfunduar punën, asnjë anëtar i Hamasit nuk do të jetë i sigurt nëse nuk bëni atë që them unë”. /tesheshi.com/
