Forcat Ajrore amerikane kanë filluar vendosjen e gjashtë bomberëve strategjikë B-52 në një bazë në ishullin Diego Garcia në Oqeanin Indian pas vrasjes së gjeneralit iranian Qassem Soleimani.
Masa erdhi si përpjekje e zyrtarëve ushtarakë amerikanë për të rritur praninë pranë Lindjes së Mesme pasi milicia shiite irakene Kataib Hezbollah la të kuptojë se do ketë sulme të mundshme si hakmarrje për vdekjen e gjeneral Soleimanit.
Bombarduesit B-52 raportohet se fluturuan nga Barksdale, baza e Forcave Ajrore të Luizianës në ishullin Diego Garcia, afërsisht 3.700 kilometra larg bregdetit jugor të Iranit.
Çdo avion ka tetë motorë dhe është krijuar për të mbartur një sasi të madhe armësh, duke përfshirë raketa lundrimi, bomba konvencionale, të drejtuara nga lazeri, si dhe bomba të gravitetit bërthamor. /tesheshi.com/
