Presidenti ukrainas Petro Poroshenko tha se vendi i tij ka rritut sigurinë në vendet kyçe të infrastrukturës, të tilla si centralet bërthamore dhe portet në Detin e Zi, për shkak se, siç tha ai, “Rusia po teston rendin botëror”, referuar përplasjeve të dyanshme me natyrë ushtarake.
Ato fajësojnë njëra-tjetrën për incidentin në Kerck ngushticën, ku më 25 nëntor, rusët sekuestruan tre anije ukrainase e arrestuan një numër ushtarakësh po ashtu ukranias, duke shkaktuar një krizë që shfaq frikën e një konflikti më të gjerë.
Poroshenko ka akuzuar Rusinë për dislokim të një force të madhe ushtarake në lindje të Ukrainës, e cila është nën kontrollin e forcave pro-ruse, si dhe në Krime, të cilën Rusia e ka aneksuar në vitin 2014.
“Rusia ka dislokuar forcat tokësore me rreth 80,000 trupa, 1.400 mjete artilerike dhe sisteme raketash, 900 tanke, 2,300 automjete të blinduara, 500 avionë dhe 300 helikopterë”, tha Poroshenko në llogarinë e tij në Tëitter.
Ai shtoi se Ukraina ka rritur sigurinë në vendet kryesore të infrastrukturës, të tilla si centralet bërthamore dhe hidrocentralet, fabrikat kimike dhe portet në Detin e Zi dhe Detin Azov. /tesheshi.com/
