Ministrja e Shëndetësisë Ogerta Manastirliu dha lajmin e marrjes nga Shqipëria të respiratorëve të rinj, e kjo në një kohë kur të infektuarit po shtohen dita-ditës, një efekt i heqjes së masave kufizuese.
“E kënaqur të ritakoj mjekët dhe infermierët e palodhur të #Infektivit dhe të ndaj me ta lajmin e mirë të mbërritjes së pajisjeve jetëshpëtuese, një tjetër mbështetje e rëndësishme për fuqizimin e kapaciteteve të terapisë intensive për përballimin e situatës së shkaktuar nga COVID-19.
Mirënjohëse qeverive të Norvegjisë, Zvicrës dhe UNDP për mundësimin e 30 respiratorëve, shumë të nevojshëm për forcimin e kapaciteteve tona”, shkruan Manastirliu.
Deri më tani, sistemi shëndetësor shqiptar e ka përballuar pa problem fluksin e të sëmurëve me COVID-19. Një pjesë e mirë e respiratorëve të poseduar nuk janë vënë fare në punë. Por rëndimi i situatës me galop të infektuarish, e ka bërë të domosdoshme llogaritjen e më të keqes, gjithnjë sa i përket presionit mbi sistemin e shëndetësor. /tesheshi.com/
