Komisioni Evropian ka reaguar pas kërcenimeve të bëra në adresë të ambasadores së BE-së në Tiranë, Romana Vlahutin. Në një prononcim për BIRN, Komisioni Evropian deklaroi se nuk do të tolerojë kërcënime për të intimiduar drejtuesen e BE-së në Shqipëri dhe stafin e delegacionit.“Thirrjet për dhunë dhe gjuha e urrejtjes janë të papranueshme,” thuhet në deklaratë.
“Kërcënimet synojnë të frikësojnë ambasadoren që të bëj punën e saj, e cila vitin e fundit është fokusuar tek Reforma në Drejtësi në Shqipëri. Bashkimi Evropian shpreson se opinion publik shqiptar do të jetë në anën e ambasadores në këtë betejë, dhe të dënojë gjuhën e urrejtjes dhe përpjekjet për të frikësuar diplomaten e lartë”- thekson KE.
Kastriot Myftaraj u arrestua dy ditë më parë pasi bëri thirrje për vrasjen e ambasadores së BE-së Romana Vlahutin. “Kështu që çdo shqiptar që do atdheun e vet mund ta vrasë Romanën dhe ky do të ishte një akt antiterrorist, jo terrorist. Në këtë histori ka vetëm një terroriste që është Kurva e Pantovçakut, e cila e mbetur pa tutor punon për llogari të Beogradit,” shkruante Myftaraj në një shkrim të tijin që u botua në media./tesheshi.com
