Presidenti turk Erdogan ka kritikuar Bashkimin Evropian për kërcënimin me sanksione ndaj Turqisë dhe ka paralajmëruar se do të “hapë derën” dhe të dërgojë më shumë militantë të ISIS-it në Evropë.
“Jua kam bërë të qartë dhe po shoh se jeni duke e nënvlerësuar këtë(paralajmërim). Kjo derë do të hapet. Anëtarët e DAESH janë dërguar tek ju dhe do të vazhdojnë të dërgohen”, tha Erdogan, duke përdorur akronimin arab për ISIS-in.
“Atëherë do të mbeteni vetvetja”, shtoi ai.
“As mos u përpiqni të kërcënoni Turqinë për aktivitetet në Qipro”, u tha ai gazetarëve pasi paralajmëroi BE-në që t’i kushtojë vëmendje marrëdhënieve të saj me një vend që ka marrë katër milion refugjatë.
“Konsideroni pozicionin që keni marrë kundër Turqisë, e cila mban shumë anëtarë të DAESH-it në burg dhe e kontrollon atë në anën siriane”, paralajmëroi Erdogan.
Ai kritikoi gjithashtu Brukselin për bllokimin e bisedimeve para pranimit të Turqisë me BE dhe mosmbajtjen e premtimeve.
“Ata thonë ‘ne do të vendosim sanksione’. Keni vendosur sanksione ndaj nesh nga 1959 deri në vitin 1963. Vazhdimisht frenoni Turqinë dhe kurrë s’i përmbushni premtimet”, tha presidenti turk.
“Hej BE, Turqia është e ndryshme nga vendet që keni njohur deri më tani”, tha Erdogan.
Bisedimet për anëtarësim e Turqisë në BE filluan në 2005, por marrëdhëniet u përkeqësuan pas një përpjekje grusht shtetit të dështuar ushtarak të vitit 2016. /tesheshi.com/
