Si Rudina Hajdari e si Kryesia e Kuvendit, më saktë kryeparlamentari Ruçi, e kanë marrë seriozisht kërcënimin e pretenduar nga deputetja demokrate, ndaj dhe kjo e fundit e nisi ditën me një badigard nga pas.
Të hënën, znj. Hajdari tha se ishte kërcënuar në zyrën e saj, pa dhënë ndonjë emër, e paralajmëruar se mund të ndodhë të humbet dhe ndonjë jetë një ditë.
“Para pak ditësh u dërgova një shkresë për një kërkesë që të siguroni ambientet e Kuvendit dhe të Kryesisë. Nuk mund të ndodhë sot, që në 2019 deputetët të kërcënohen. E papranueshme që një femër të kërcënohet. Kam pasur raste që në zyrën time kur persona më kanë ardhur në zyrë dhe më kanë kërcënuar.
Nuk mundet të ndodhë më, ka ikur ajo kohë. Ju lutem, merrni masat para se të kemi ndonjë viktimë këtu në parlament.
Sikur janë masat para Kuvendit, masat të jenë në Kryesinë e Kuvendit, ku asnjë deputet nuk duhet të hyjë pa u kontrolluar, e nuk duhet të marrë përforcime me njerëz të tjerë dhe të shantazhojë”, tha ajo nga folësja e parlamentit. /tesheshi.com/
