Presidenti i sapozgjedhur i SHBA-së, Donald Trump, lëshoi të hënën një paralajmërim të ashpër për pasoja të rënda në Lindjen e Mesme nëse pengjet e mbajtura nga Hamasi nuk lirohen nga inaugurimi i tij, i cili është vetëm disa javë larg.
“Të gjithë po flasin për pengjet që po mbahen kaq dhunshëm, çnjerëzor dhe kundër vullnetit të gjithë botës, në Lindjen e Mesme. Por të gjitha janë biseda, asnjë veprim!”, tha Trump në platformën e tij të mediave sociale, Truth Social.
“Ju lutemi, lëreni këtë të vërtetë të shërbejë për të përfaqësuar se nëse pengjet nuk lirohen përpara datës 20 janar 2025, datës kur me krenari marr detyrën si President i Shteteve të Bashkuara të Amerikës, ata në Lindjen e Mesme që kryen këto krime kundër njerëzimit do të paguajnë ferrin si çmim”, tha Trump.
Ai shtoi: “Ata që janë përgjegjës do të goditen më fort se kushdo në historinë e gjatë të Amerikës. Lironi pengjet tani!” shtoi ai.
Pra, siç shihet, asnjë fjalë për gjenocidin izraelit mbi popullsinë e Gazës, mbi gratë e fëmijët, ata që në fakt po përjetojnë ferr prej më shumë se një viti.
Ky qëndrim i presidentit në pritje të SHBA-së nuk është për t’u çuditur; ai qartë e haptazi ka mbajtur dhe mban anën e Izraelit. /tesheshi.com/
