Pasi presidenti amerikan Donald Trump ka thënë se zgjidhja e krizës në Venezuelë mund të ketë dhe një përdorim të mundshëm të forcës – pra një ndërhyrje ushtarake, presidenti Nicolas Maduro i kujtoi Trump-it sërish Vietnamin.
Në vendin e Azisë së largët, në mes të 1965 dhe 1973 u dërguan qindra e mijëra trupa amerikane për të luftuar kundër komunistëve, në një sipërmarrje ushtarake që rezultoi me kosto të mëdha njerëzore dhe e pasuksesshme, deri në cilësimin si “turp ndërkombëtar”.
I pyetur nëse kriza mund të çojë në luftë civile, Maduro theksoi se askush nuk mund të përgjigjet me siguri për këtë çështje dhe se “çdo gjë varet nga perandoria veriore (Shtetet e Bashkuara) dhe aleatëve të saj perëndimorë.”
Maduro ka kritikuar gjithashtu vendet evropiane që e kanë njohur kreun e opozitës Juan Guaido si president të vendit, duke veçuar kryeministrin e Spanjës, Pedro Sanchez.
Maduro tha se Sanchez do “i lajë duart me gjakun e tyre”, në qoftë do ketë një grusht shteti kundër tij. /tesheshi.com/
