Sipas një studimi të publikuar në edicionin e fundit të Biologjisë Aktuale, truri ynë rri vigjilent kur ne flemë diku tjetër. Madje ekziston një term shkencor për të emëruar pikërisht këtë fenomen “efekti i natës së parë”.
Ky lloj fenomeni mund të lidhet dhe me ankthet dhe bezdinë që mund të ketë një person duke fjetur larg shtëpisë. Ditëve të sotme shumica udhëton për arsye pune dhe stresi i punës mund të lidhet me të fjeturin diku larg familjes dhe kështu ndikon në pagjumësinë. Ka disa mënyra që mund të ndihmojnë për të luftuar efektin e natës së parë:
– Merrni me vete jastëkun tuaj të dashur ose një dritë nate apo qoftë dhe aromatizues të dhomës së gjumit nga shtëpia juaj. Kjo do t’ju ndihmojë që ta “mashtroni” disi trurin tuaj.
– Nëse mund ta zgjidhni vetë hotelin atëherë preferoni një dhomë me strukturë si ajo e dhomës tuaj.
– Në pamundësi të pikave të mësipërme mundohuni të përdorni syze gjumi
– Bëni një dush të shkurtër që t’ju ndihmojë të relaksoheni
– Dhe mbi të gjitha, mos kontrolloni më telefonin apo kompjuterin të paktën deri në një orë para gjumit./tesheshi.com/
