Këngëtarja e njohur ruse, Alla Pugacheva, është kthyer në Rusi, por pa bashkëshortin e saj Maksim Galkin, i cili më parë ishte shpallur agjent i huaj nga autoritetet në Moskë.
“Ajo mbërriti përmes Pskov. I vetëm, pa Galkin”, u konfirmua për agjencinë RIA Novosti.
Pugacheva dhe Galkin emigruan në Izrael në tetor të vitit të kaluar, pasi kritikuan vazhdimisht pushtimin rus të Ukrainës.
Kur burri i saj u shpall agjent i huaj, këngëtarja u kërkoi autoriteteve ruse që ta përfshinin në atë listë.
Pugacheva ka shitur më shumë se 250 milionë disqe gjatë një karriere që zgjat më shumë se pesë dekada, duke fituar popullaritet të madh gjatë epokës sovjetike.
Herën e fundit që ajo ishte në Rusi ishte në maj të këtij viti kur mori pjesë në funeralin e stilistit Valentin Yudashkin.
Pugacheva konsiderohet një superstar në vendin e saj. Ajo ka formuar muzikën rock dhe pop në Rusi që nga vitet 1970.
Ndër admiruesit e saj në të kaluarën ishin presidenti aktual Vladimir Putin dhe paraardhësi i tij si president, Boris Yeltsin. /tesheshi.com/
