Po aludohet se presidenti turk Rexhep Tajip Erdogan do synojë dhe një mandate tjetër, edhe pse më herët ka bërë me dije se ky aktuali, me të cilin po udhëheq Turqinë, do jetë i fundit. Pra, në zgjedhjet e vitit 2028, njeriu që tashmë është shndërruar në një lider botëror, nga vendimet e së cilit varen shumë përcaktime gjeopolitike në rrafsh global, do jetë sërish në garën për president.
Ky synim u lexua në një episod të konferencës së organizatës lokale të Partisë për Drejtësi dhe Zhvillim (AKP) në provincën e Urfas, ku aty ishte i pranishëm dhe këngëtari i njohur me origjinë kurde Ibrahim Tatlises. Ky i fundit e pyeti Erdoganin nëse do të ishte “i pranishëm në periudhën e ardhshme për Presidencës së Republikës”. “Nëse jeni ju, unë do të jem”, u përgjigj Erdogan.
• İbrahim Tatlıses: Önümüzdeki dönem cumhurbaşkanlığına var mısınız?
• Cumhurbaşkanı Erdoğan: Sen varsan, varım.
• İbrahim Tatlıses: Seninle ölümüne varım ben. Sonuna kadar varım. Sözü aldık.
— ibrahim Haskoloğlu (@haskologlu) January 11, 2025
Vihet re se Kushtetuta turke ndalon një mandat të tretë presidencial dhe që Erdogan të jetë kandidat në zgjedhjet presidenciale të vitit 2028, duhet të bëhet një rishikim kushtetues ose të shpallen zgjedhje të parakohshme. Për shpalljen e zgjedhjeve të parakohshme, kërkohen 360 vota deputetësh nga 600 gjithsej në Asamblenë Kombëtare, një shumicë që e synon aleanca e AKP-së me Partinë e Veprimit Nacionalist (MHP).
Kreu i MHP-së dhe partneri i qeverisë Devlet Bahçeli tha nëntorin e kaluar se ai do të mbështeste një amendament kushtetues që do t’i lejonte Erdoganit të kërkonte një mandat të ri presidencial pesë-vjeçar. /tesheshi.com/
