Institucionet në Kosovë, si ekzekutivi, legjislativi dhe gjyqësori vazhdojnë të pësojnë rënie të kënaqshmërisë së qytetarëve, pasi vetëm 32.5 për qind janë deklaruar se janë të kënaqur, krahasuar me 36 për qind të tyre sa ishin në tetor të vitit që shkoi.
Por është e çuditshme se përkundër kritikave të vazhdueshme të opozitës por jo vetëm karshi preisdentit Hashim Thaçi, ky i fundit gëzon nivelin më të lartë të kënaqshmërisë mes qytetarëve ndër krerët institucional, pasi anketa tregon se rreth 40 për qind e të anketuarve janë të kënaqur me punën e tij.
Ndërsa me punën e kryeminsitrit Haradinaj janë të kënaqur rreth 33 për qind e qytetarëve, kurse 32.5 për qind janë të kënaqur me punën e kryekuvendarit Veseli.
Të anketuarit po ashtu kanë deklaruar se papunësia, korrupsioni dhe varfëria, janë tri çështjet më të mëdha të cilat ndikojnë në mirëqenien e tyre sociale.
Përveç rënies së kënaqshmërisë me përformancën e institucioneve kyçe, qytetarët kanë shprehur kënaqshmëri të ulët edhe sa i përket orientimit momental politik që ka vendi.
Vetëm 50 për qind kanë deklaruar se janë shume të pakënaqur me orientimin momental politik dhe vetëm 15 për qind të tyre janë të kënaqur.
Sipas të dhënave ka mundësi të ketë edhe protesta për shkak të pakënaqësisë.
Nisur nga këto të dhëna më pak se 38 për qind e qytetarëve kanë shprehur gatishmëri për një gjë të tillë.
Mbi 50 për qind e të anketuarve perceptojnë se zgjedhjet në Kosovë janë demokratike.
Mbi 50 për qind kanë deklaruar se komunat e tyre punojnë sipas prioriteteve të qytetareve dhe 53 për qind kanë thënë se ligjet dhe Kushtetuta janë demokratike.
Të anketuarit janë shprehur edhe për lirinë e shprehjes që gëzojnë mediat në Kosovë ku mbi 52 përqind e tyre mendojnë se ka liri të shprehjes në media. /tesheshi.com/
