Kërcitja e gishtave është deri diku një veprim i pavullnetshëm që shumë njerëz e bëjnë në situata stresuese. Besohet se ky veprim dëmton kockat e duarve dhe kërcitja shoqërohet me dëme të pariparueshme, por radiologët hedhin poshtë këto besime të pabazuara në fakte.
Dr. Robert Boutin, profesor i radiologjisë në Universitetin e Kalifornisë, pohoi se zhurma e kërcitjes së gishtave vjen nga një flluskë gazi e formuar në nyjet e gishtave. Të përthyesh gishtat është më e zakonshme nga çmendoni dhe më shumë se 50% e njerëzve e bëjnë këtë gjë.
Për të studiuar fenomenin, radiologët shqyrtuan rastet e 40 njerëzve, 30 prej të cilëve e kishin zakon të kërcisnin gishtat. Të 40 personave iu kërkua të shtriqnin gishtat rreth 400 herë.
Ky veprim duket se u shkakton njerëzve një ndjesi qetësimi dhe ekspertët ortopedike e mbështetën duke thënë se kërcitja e gishtave çtensionon duart nga gazi i tretur në lëngun e nyjeve.
Pra nëse deri më sot jeni trembur nga kërcitja e gishtave dhe ia keni ndaluar vetes këtë kënaqësi të vogël ,pas këtij studimi jeni të lirë t’i kërcisni gishtat./tesheshi.com/
