Dy ekipet e grupit E, Irlanda dhe Suedia janë ndarë në paqe mes tyre në takimin e parë.
Ka qenë një betejë e vërtetë fizike mes dy ekipeve, ku për asnjë moment nuk kanë munguar duelet mes lojtarëve kundërshtarë.
Irlandezët kanë këmbëngulur më fort, dhe kanë qenë ata që kanë shënuar të parët. Goli i avantazhit ka ardhur tre minuta pas nisjes së pjesës së dytë. Hoolahan ka qenë shënuesi për skuadrën e Irlandës.
Suedezët janë detyruar ta kthejnë kokën drejt portës kundërshtare më shpesh pasi janë gjendur në humbje. Ibrahimovic ka bërë gjithçka për të shënuar vetë, por nuk ka mundur.
Ka qenë meritë e padiskutueshme e tij, sidoqoftë, që suedezët arritën të barazojnë. Një vërshim përpara i yllit suedez në minıutën e 71-të në zonën e kundërshtarëve është mbyllur me një krosim të tij. Clark nuk ka mundur të bëjë gjë tjetër, veçse ta dërgojë topin me kokë në portën e tij. 1-1!
Irlandezët e suedezët do ta merrnin iniciativën me radhë në minutat e mbetura, por pa ndryshuar gjë.
Barazimi 1-1 duket se i la të kënaqura të dyja tifozeritë, që duartrokitën gjatë me mbarimin e ndeshjes.
Në orën 21:00 nis takimi i dytë i këtij grupi, Belgjikë – Itali. /tesheshi.com/
