Dy burra, një polak dhe një gjerman, kanë deklaruar se kanë gjetur një tren legjendar, të mbushur me objekte ari të vjedhura nga nazistët para vitit 1945 dhe të zhdukur deri më tani, pa asnjë gjurmë.
Nëpërmjet një përfaqësuesi ligjor, ata kanë bërë një kërkesë tek autoritetet lokale në Walbrzych të Polonisë, se kërkojnë 10% të vlerës së zbulimit të tyre, në këmbim të rrëfimit të vendit ku ndodhej treni me ar. Lajmi është bërë i ditur nga radio Wroclaw, sipas së cilës bëhet fjalë për një tren me disa vagonë të nisur nga Wroclaw gjatë regjimit nazist, në maj të vitit 1945, për në një drejtim që deri më tani është i paditur.
Edhe pse nuk ka asnjë provë të gjetjes së thesarit, lajmi, i publikuar edhe në disa media të tjera në Poloni, ka ngjallur kuriozitet mes koleksionistëve, sipas së cilëve, treni i presupozuar mund të ketë përfunduar në një nga vendet e fshehta mes tuneleve të gërmuar në male, të cilët gjermanët i kishin përgatitur në fund të luftës.
Mediat polake kujtojnë se deri më sot, ekzistenca historike e këtij treni nuk është certifikuar asnjëherë. Një nga tunelet e gërmuar nga nazistët ndodhet në zonën e Walbrzych, një tjetër tunel nën malin Sobiesz./tesheshi.com/
