Shërbimet sociale britanike u detyruan të ndërhyjnë për të zhvendosur nga lluca dhe balta një çift, që jetonin në një kasolle me bagëti.
Kate Burrows dhe partneri i saj Alan, ndërtuan me mjete rrethanore banesën e tyre mes pemëve, baltës dhe kallamishteve në Devon dhe u zhvendosën aty 19 muaj më parë.
Për të jetuar ata thonë se shfrytëzonin gjithçka që u ofronte natyra, që nga uji i lumit që rrjedh aty pranë, deri tek frutat, perimet dhe produktet që u ofronin dhitë që bashkëjetonin me ta.
Zgjedhja e tyre për të jetuar si në Mesjetë nuk ishte e detyrueshme. Që të dy thonë se janë alergjikë nga jetesa në një shtëpi normale dhe nga luksi modern.
“Kjo është jeta jonë! Kjo është shtëpia jonë! Njerëzit duhet të mësohen me këtë sepse unë nuk mund të rikthehem dhe të sëmurem sërish”, thotë Kate.
Anglezja thekson se nuk e kupton se ku e ka shkelur ligjin. “Kjo është jeta normale. Zgjedh të jetoj kështu, ku është problemi këtu?”
Megjithatë, për autoritetet shëndetësore dhe sociale britanike, çifti është i sëmurë dhe në pamundësi për t’i vënë një emër sëmundjes së tyre, e quan “MCS” (Medically unexplained condition, shqip: gjendje e panjohur shëndetësore).
Këshilli bashkiak i Devon thekson se banorët nuk mund të jetojnë ku të duan pa marrë leje, nëse mund të ndërtojnë e punojnë në zona të caktuara./tesheshi.com/
