Pas reagimve të forta nga Brukseli e Uashingtoni për mbylljen sa më shpejt të Reformës Zgjedhore e mundësisht me konsensus, përkatësisht nga ambasadorët Kim e Soreca, ka pasuar një reagim nga kreu i opozitës Basha.
Duke lënë të kuptuar se apeli shkon posaçërisht për opozitën, sidomos kur i kujtohet në mesazhe se jo me patjetër duhet të marrë gjithçka nga një marrëveshje, Basha shkruan:
“PD dhe Opozita e Bashkuar janë të vendosur për kontributin tonë për zgjedhje të lira dhe të ndershme. Ato janë në interesin më të mirë të Shqipërisë. Kushdo që minon garancitë për standartet zgjedhore nuk do zgjedhje demokratike dhe as integrimin europian te Shqipërisë”.
Përmbyllja e Reformës Zgjedhore është bllokuarnga disa kërkesa të reja të opozitës, por për të cilat mazhoranca pretendon se nuk përkojnë me rekomandimet e OSBE-ODIHR. /tesheshi.com/
